Франциянинг “Ренн” клубининг исми сир сақланаётган футболчиси одам ўлдиришда айбланмоқда.
“Ренн” клубининг 18 ёшли футболчиси электр-скутерда кетаётганда 51 ёшли аёлнинг ўлимига сабабчи бўлди, деб хабар бермоқда RМC.
La Province нашрининг аниқлик киритишича, ЙТҲ Ренн шаҳри марказидаги кўчанинг пиёдалар ўтиш жойида содир бўлган. Воқеадан кейин аёл бир неча кун касалхонада даволанган.
Маълум қилинишича, ҳодиса вақтида скутерда икки йигит бўлган. Иккинчи йўловчи “Ренн” академиясида таҳсил олувчи вояга етмаган спортчи ҳисобланади. Текширув уларнинг спиртли ичимлик ва гиёҳванд моддалар истеъмол қилмаганини кўрсатди.
Прокурор Филипп Аструкнинг маълум қилишича, 18 ёшли футболчи 4 июль, пайшанба куни прокурор олдида кўрсатма беради.
