Френки де Йонгнинг жароҳатидан тикланиши кечикиши мумкин.

"Diario Sport" хабарига кўра, «Барселона» ва Нидерландия терма жамоаси ярим ҳимоячиси юкламалар ортиб бораётгани сабабли ноқулайликни бошдан кечиришда давом этмоқда. Бундан ташқари, ярим ҳимоячининг жароҳати ўрта ва узоқ муддатда асоратларни келтириб чиқариши мумкин, чунки тўпиқ билан боғлиқ муаммолар сурункали ҳолга келиши мумкин. Бироқ, муаммони жарроҳлик йўли билан ҳал қилиш мумкин эмас.

Қайд этилишича, тикланиш жараёни узоқ давом этгани сабабли де Йонг «Барселона»нинг мавсумолди машғулотларини ўтказиб юбориши мумкин. Қолаверса, янги бош мураббий Ханс-Дитер Флик Френкини жамоада олиб қолмоқчи бўлишига қарамай, соғлиғи билан боғлиқ муаммолар нидерландияликнинг клубдаги келажагини шубҳа остига қўйиши мумкин.

Де Йонг тўпиғидан жароҳат олиб, Евро-2024 мусобақасини ўтказиб юборди. Ярим ҳимоячи охирги марта 21 апрель куни майдонга тушганди.