Германия терма жамоаси ярим ҳимоячиси Жамол Мусиала Англия терма жамоаси ҳужумчиси Харри Кейннинг ўйини ҳақида ўз фикрлари билан ўртоқлашди.
21 ёшли футболчи яқинда Евро-2024 1/8 финалида Словакияга қарши ўйинда (2:1) "Бавария"даги жамоадошининг голи уни ҳайратда қолдирганини тан олди.
"Биз ҳаммамиз Кейн ўтган мавсумда "Бавария"да нималарга эришганини кўрдик. У ажойиб ўйинчи, дунёнинг энг яхшиларидан бири. Унинг Словакияга урган голи одатий ҳужумчиларнинг голи. Кўп одамлар бундай гол ура олмасди.
Бундай дақиқаларда у доимо ўзини керакли жойда топади. Унда кўп имкониятлар бўлмаслиги мумкин, лекин у битта имкониятни қўлга киритганида ўйин натижасини ҳал қилиши мумкин. Шунинг учун у "Бавария" учун ҳам, Англия учун ҳам жуда муҳим", - деди Мусиала Sky Sports нашрига.