Germaniya terma jamoasi yarim himoyachisi Jamol Musiala Angliya terma jamoasi hujumchisi Xarri Keynning o‘yini haqida o‘z fikrlari bilan o‘rtoqlashdi.
21 yoshli futbolchi yaqinda Yevro-2024 1/8 finalida Slovakiyaga qarshi o‘yinda (2:1) "Bavariya"dagi jamoadoshining goli uni hayratda qoldirganini tan oldi.
"Biz hammamiz Keyn o‘tgan mavsumda "Bavariya"da nimalarga erishganini ko‘rdik. U ajoyib o‘yinchi, dunyoning eng yaxshilaridan biri. Uning Slovakiyaga urgan goli odatiy hujumchilarning goli. Ko‘p odamlar bunday gol ura olmasdi.
Bunday daqiqalarda u doimo o‘zini kerakli joyda topadi. Unda ko‘p imkoniyatlar bo‘lmasligi mumkin, lekin u bitta imkoniyatni qo‘lga kiritganida o‘yin natijasini hal qilishi mumkin. Shuning uchun u "Bavariya" uchun ham, Angliya uchun ham juda muhim", - dedi Musiala Sky Sports nashriga.
