Америка кубоги 1/4 финалида Аргентина терма жамоаси Эквадор терма жамоасига қарши майдонга тушди. Учрашув 1:1 ҳисобида дуранг билан якунланди. Пенальтилар сериясида Лионель Скалони шогирдлари муваффақият қозонишди - 4:2.
Аргентина терма жамоаси дарвозабони Эмилиано Мартинес учрашувнинг энг яхши футболчиси деб топилди. Дарвозабон пенальтилар сериясида иккита зарбани тўхтатиб, жамоасига нуфузли мусобақанинг ярим финалига чиқишга ёрдам берди.
Плей-оффнинг навбатдаги босқичида “альбиселесте” Канада – Венесуэла жуфтлиги ғолиби билан тўқнаш келади.
