"Рома" ҳужумчиси Тэмми Абрахам фаолиятини Италия А Сериясидаги бошқа бир топ-клубда давом эттириши мумкин.
Манбанинг маълумотига кўра, "кекса синьора" Абрахамни Душан Влаховичга рақобатчи сифатида таклиф қилмоқчи. Ҳозирча ҳужумчи ротация ўйинчиси ролига рози бўладими-йўқми номаълум. Аввалроқ Англия Премьер-лигасининг баъзи клублари Тэммига барқарор ўйин амалиётини кафолатлашга тайёр эди.
26 ёшли Абрахам жароҳати туфайли А Сериянинг сўнгги мавсумида бор-йўғи 8 та ўйин ўтказиб, гол ва голли узатмани амалга оширди. "Transfermarkt" ҳужумчини 30 миллион еврога баҳоламоқда.
