Рональд Куман Нидерландия - Туркия ўйини олдидан ўз фикрларини билдириб ўтди.
Бугун Евро-2024 мусобақасининг 1/4 финали бўлиб ўтади.
"Биз турк мухлисларидан нима кутишни биламиз. Ўйлайманки, бундай муҳитда ўйнаш ажойиб бўлади. Биз шунчаки тўп устидан назоратни ушлаб туришимиз, том маънода унга эгалик қилишимиз керак. Рақиб катта иштиёқ билан ўйнайди. Руминия ҳам шундай. Улар юраклари билан ўйнашади. Лекин биз тайёрмиз.
Ян Матсен Вольфсбургда қолди. У касал эди, гриппга ўхшаш аломатлар бор эди. Бундай ҳолатда саёҳатга вақт қолмайди, айниқса ўйинга бир кун қолган бўлса. Умуман олганда, ҳамма ўйинга тайёр.
Стивен Бергвейн бошқалардан алоҳида шуғулланди - бу эҳтиёт чораси эди. Кўрамиз, у майдонга туша оладими? Шанба куни эрталаб машғулот ўтказамиз, шундан сўнг якуний қарорни қабул қиламиз", - деди Нидерландия терма жамоаси бош мураббийи.
