"Фиорентина" ярим ҳимоячиси Софьян Амрабатга кўплаб клублар қизиқиш билдирмоқда, бироқ марокашлик футболчи фаолиятини "Манчестер Юнайтед"да давом эттирмоқчи, у ўтган мавсумда бу ерда ижара асосида ўйнаган.
Il Corriere dello Sport хабарига кўра, Амрабат "Манчестер Юнайтед" раҳбарияти Эрик тен Хаг билан шартномани узайтирганидан кейин ўзи ҳам "Олд Траффорд"да қолиши мумкинлигига ишонмоқда. Амрабат мавсум якунида бош мураббийни ҳайратда қолдира олди ва “Манчестер Юнайтед”нинг Англия Кубогидаги ғалабасига жиддий ҳисса қўшди.
"Манкунианликлар" ўтган ёзда Софьянни ижарага олиш учун 9 миллион евро тўлаган. Марокашлик футболчининг “Фиорентина” билан шартномаси бир йилдан кейин тугайди.
