Жума куни Европа чемпионатининг чорак финал босқичида Португалия ҳамда Франция терма жамоалари ўртасида ўйин бўлиб ўтди.
Жамоалар кўплаб вазиятлар яратишди, аммо 120 дақиқадан сўнг таблода иккита нол порлаб турарди.
Натижада ярим финал йўлланмаси пенальтилар сериясида ҳал бўлди, бунда французлар яхшироқ бўлиб чиқди.
Ижтимоий тармоқларда стадион трибуналаридан суратга олинган видео пайдо бўлди. Унда Франция терма жамоаси мухлислари Лионель Месси номини тилга олишлари эшитилди.
Очиғи, "уч рангли" мухлислар Криштиану Роналдуга таъсир ўтказишга ҳаракат қилишган. Бироқ, португалиялик юлдуз қўшиқларни эшитмади ёки уларга эътибор бермади.
