Juma kuni Yevropa chempionatining chorak final bosqichida Portugaliya hamda Fransiya terma jamoalari o‘rtasida o‘yin bo‘lib o‘tdi.
Jamoalar ko‘plab vaziyatlar yaratishdi, ammo 120 daqiqadan so‘ng tabloda ikkita nol porlab turardi.
Natijada yarim final yo‘llanmasi penaltilar seriyasida hal bo‘ldi, bunda fransuzlar yaxshiroq bo‘lib chiqdi.
Ijtimoiy tarmoqlarda stadion tribunalaridan suratga olingan video paydo bo‘ldi. Unda Fransiya terma jamoasi muxlislari Lionel Messi nomini tilga olishlari eshitildi.
Ochig‘i, "uch rangli" muxlislar Krishtianu Ronalduga ta’sir o‘tkazishga harakat qilishgan. Biroq, portugaliyalik yulduz qo‘shiqlarni eshitmadi yoki ularga e’tibor bermadi.
