Франция терма жамоаси голсиз дурангдан сўнг, пенальтилар сериясида Португалияни мағлуб этиб, Европа чемпионатининг ярим финалига йўл олди.
Пенальтилар сериясидаги зарбалардан бирини ҳимоячи Жюль Кунде амалга оширди.
Франциялик футболчи ўзининг зарбасига изоҳ берди. “Бу ёшлигимдан бери амалга оширган биринчи пенальти эди. Мен "Барселона" машғулотларида мунтазам равишда пенальти тепиш билан шуғулланаман ва бу менга ёқади.
Шу боис мураббийдан зарба беришимга рухсат беришини сўрадим", - дея Кунденинг сўзларини келтирмоқда Mundo Deportivo.
