Гарет Саутгейт Англия терма жамоаси билан яна йирик турнирнинг ярим финалига чиқишга муваффақ бўлди.
Инглизлар чорак финал ўйинининг асосий ва қўшимча таймларида Швейцарияни мағлуб эта олмади (1:1), аммо пенальтилар сериясида (5:3) аниқроқ ҳаракат қилишди.
Англия Саутгейт қўл остида олти йил ичида учинчи марта жаҳон чемпионати ёки Евронинг ярим финалида ўйнашга муваффақ бўлди.
Фақат бир марта “уч шерлар” амалдаги мураббийи билан ярим финалга чиқа олишмади: бу 2022-йил Қатарда бўлиб ўтган жаҳон чемпионатида, Франция терма жамоаси чорак финалда енгиб бўлмас тўсиққа айланганда содир бўлди.
2018 йилда Англия жаҳон чемпионати ярим финалида, 2021 йилда эса Евро финалида тўхтади.