"Ливерпуль" ва Англия терма жамоасининг собиқ футболчиси, Саудия Арабистонининг "Ал-Иттифоқ" бош мураббийи Стивен Жеррард "Интер Майами" ҳужумчиси Лионель Мессини ўз жамоасида кўришни орзу қилишини тан олди.
"Мессини "Ал-Иттифоқ"да кўришни орзу қиламан. У ақл бовар қилмайдиган футболчи ва клубга ажойиб қўшимча бўларди.
Биламан, уни Саудия Арабистонига кўчириш осон эмас, лекин орзуларда ёмон нарса йўқ", - деди Жеррард AS билан суҳбатда.
Ўтган мавсумда Жеррард бошчилигидаги "Ал-Иттифоқ" Саудия Арабистони Про-лигасида 6-ўринни эгаллаган эди. Жамоада Жоржиниьо Вейналдум ва Мусса Дембеле каби футболчилар бор.
