Каталониянинг “Барселона” клуби марказий ҳимоячиси Рональд Араухо ўзининг келажак режалари ҳақида бир қарорга келди. Sport нашри хабарига кўра, уругвайлик футболчи "кўк-анорранглилар"дан катта маош эвазига янги шартнома олмоқчи. Футболчи Англия ва Германия клублари таклиф қилганича маош олмоқчи.

Манбада айтилишича, агар “Барселона” Араухонинг молиявий талабларини қаноатлантирмаса, уругвайлик футболчи 2026 йилнинг ёзида шартнома муддати тугагач, эркин агент сифатида жамоани тарк этади.

25 ёшли Араухога январь ойида Мюнхеннинг "Бавария" клуби қизиқиш билдирганди, аммо "Барселона" раҳбарияти марказий ҳимоячини сотишдан бош тортди.