17 май куни «Сантьяго Бернабео» стадионида Испания кубогининг финал баҳси бўлиб ўтади. Унда Мадрид шаҳрининг икки жамоаси «Реал» ва «Атлетико» жамоалари майдонга тушишади.
Испания футбол иттифоқи ушбу учрашувга чиқарилган чипталарнинг нархини эълон қилди. Ўйин учун чиқарилган чипталарнинг энг арзони 50 еврога баҳоланди. Стадионнинг энг зўр жойидан туриб учрашувни кузатиш эса 275 евро туради.
Чипталар нархи мамлакатда давом этаётган иқтисодий ҳолат сабаб ўтган йилгига нисбатан 18 фоизга арзонлашган.
Федерация ҳар икки жамоага чиптларнинг умумий 82 фоизини беради, яъни ҳар бир жамоага 41 фоиздан. Қолган 12 фоиз чипталар эса меҳмонлар ва расмий кишиларга топширилади.
