"Барселона"нинг собиқ ярим ҳимоячиси Тиаго Алькантара жамоанинг машғулот базасига етиб борди. Бу ҳақда журналист Жерар Ромеро ижтимоий тармоқларда хабар бермоқда.
Алкантара аввалроқ "Ливерпул"ни эркин агент сифатида тарк этган ва кейин профессионал фаолиятини якунлаганини эълон қилган эди. 33 ёшли испаниялик тез орада "Барселона" бош мураббийи Ханс-Дитер Фликнинг ёрдамчисига айланиши мумкин.
Тиаго ушбу мутахассис қўл остида "Бавария"да ўйнади. Манбанинг таъкидлашича, Алькантара Флик билан янги лавозимдаги масъулиятини муҳокама қилиш учун музокаралар олиб бормоқда. Агар ҳаммаси Тиагога мос келса, у тез орада Ханс-Дитернинг мураббийлар штабига қўшилади.
