Испания терма жамоаси ҳужумчиси Альваро Мората Европа чемпионати доирасидаги баҳсда навбатдаги самарали ўйинини қайд этди.

"Атлетико Мадрид"нинг 31 ёшли футболчиси Франция терма жамоаси билан ярим финал учрашувида голли узатмани амалга оширди.

Эндиликда форвард фаолияти давомида Евро финал ўйинларида “қизил фурия” сафида еттита гол урди ва битта голли узатмани амалга оширди – бу Испания терма жамоасининг турнирда голларда иштирок этиш бўйича рекордини такрорлаш демакдир.

Мората саккизта голга ўз ҳиссасини қўшди, худди собиқ рекордчи Сеск Фабрегас сингари. Рейтингда кейинги ўринларда Фернандо Торрес ва Давид Силва - улар еттитадан самарали ҳаракатларга эга.