Англия терма жамоаси ҳужумчиси Харри Кейн терма жамоасининг Евро-2024даги ўйини ҳақида фикр билдирди. Эслатиб ўтамиз, британияликлар 14 июль куни Испания терма жамоаси билан учрашув ўтказадиган қитъа чемпионати финалига чиқди.

«Яна битта учрашув қолди. Қандай ақл бовар қилмайдиган ўйин, қандай ажойиб ютуқ - биз финалга чиқдик! Бу Англия терма жамоаси учун мамлакатимиздан ташқаридаги илк финал ҳисобланади.

Ярим финал ўзгача, ўзгача кеча бўлди. Мен бунда иштирок этган ҳар бир киши билан жуда фахрланаман. Бутун Англия терма жамоаси - футболчилар ва мураббийлар штаби. Финалгача бўлган йўл жуда оғир эди, аммо олдинда яна битта ўйин бор.

Қўллаб-қувватлаганингиз учун барчангизга раҳмат, бу бизнинг жамоамиз учун катта аҳамиятга эга. Яна битта ўйин қолди, келинг, буни биргаликда бажарамиз», - дея Кейн сўзларини келтирмоқда "The Sun".