Angliya terma jamoasi hujumchisi Xarri Keyn terma jamoasining Yevro-2024dagi o‘yini haqida fikr bildirdi. Eslatib o‘tamiz, britaniyaliklar 14 iyul kuni Ispaniya terma jamoasi bilan uchrashuv o‘tkazadigan qit’a chempionati finaliga chiqdi.
«Yana bitta uchrashuv qoldi. Qanday aql bovar qilmaydigan o‘yin, qanday ajoyib yutuq - biz finalga chiqdik! Bu Angliya terma jamoasi uchun mamlakatimizdan tashqaridagi ilk final hisoblanadi.
Yarim final o‘zgacha, o‘zgacha kecha bo‘ldi. Men bunda ishtirok etgan har bir kishi bilan juda faxrlanaman. Butun Angliya terma jamoasi - futbolchilar va murabbiylar shtabi. Finalgacha bo‘lgan yo‘l juda og‘ir edi, ammo oldinda yana bitta o‘yin bor.
Qo‘llab-quvvatlaganingiz uchun barchangizga rahmat, bu bizning jamoamiz uchun katta ahamiyatga ega. Yana bitta o‘yin qoldi, keling, buni birgalikda bajaramiz», - deya Keyn so‘zlarini keltirmoqda "The Sun".
