Англия терма жамоаси ҳимоячиси Люк Шоу Евро-2024 ярим финалида Нидерландия билан ўйинда ғалаба тўпини киритган терма жамоа ҳужумчиси Олли Уоткинс ҳақида гапирди.
«Мен Олли учун жуда хурсандман. Ўтган куни матбуотга кўп ўйин амалиёти олмаган футболчилар қачон имконият келишини билишмайди ва улар доимо тайёр бўлишлари кераклигини айтдим. Айнан шундай бўлди, чунки Олли у қадар кўп ўйнамади, у майдонга тушиш имкониятига эга эди ва у бундан унумли фойдаланди», - дея Шоу сўзларини келтиради УЕФА расмий сайти.
