"Ливерпуль", "Арсенал" ва "Боруссия Дортмунд" "Галатасарой" ва Туркия терма жамоаси вингери Бариш Йилмазга қизиқиш билдирмоқда. Бу ҳақда TEAMtalk хабар бермоқда.
Манбанинг хабарига кўра, "мерсисайдликлар" 24 ёшли футболчини сотиб олиш механизмини аллақачон йўлга қўйган.
Ўтган мавсумда Йилмаз барча турнирларда 55 та ўйинда қатнашиб, 7 та гол ва 12 та голли узатмани амалга оширган. Умуман олганда, ҳужумчи майдонда 3490 дақиқа ўтказди. Футболчининг турк клуби билан амалдаги шартномаси 2027 йилнинг ёзига қадар тузилган. Transfermarkt порталида берилган маълумотларга кўра, футболчининг бозор қиймати 17 миллион еврони ташкил қилади.
