"Liverpul", "Arsenal" va "Borussiya Dortmund" "Galatasaroy" va Turkiya terma jamoasi vingeri Barish Yilmazga qiziqish bildirmoqda. Bu haqda TEAMtalk xabar bermoqda.

Manbaning xabariga ko‘ra, "mersisaydliklar" 24 yoshli futbolchini sotib olish mexanizmini allaqachon yo‘lga qo‘ygan.

O‘tgan mavsumda Yilmaz barcha turnirlarda 55 ta o‘yinda qatnashib, 7 ta gol va 12 ta golli uzatmani amalga oshirgan. Umuman olganda, hujumchi maydonda 3490 daqiqa o‘tkazdi. Futbolchining turk klubi bilan amaldagi shartnomasi 2027 yilning yoziga qadar tuzilgan. Transfermarkt portalida berilgan ma’lumotlarga ko‘ra, futbolchining bozor qiymati 17 million yevroni tashkil qiladi.