Бугун бўлиб ўтган «Шердор» – «Зарафшон» учрашувидан сўнг ҳар иккала жамоа мураббийлари ўйин ҳақида ўз фикр мулоҳазаларини билдириб ўтишди.
 
Юрий Лукин ( «Зарафшон ПФК» бош мураббийи):
— Бугун бўлиб ўтган ўйин ҳақида қисқа ва аниқ битта гапни айтишим мумкин. Ҳар икки жамоа ҳам ғалабага ташналиги кўриниб турди ва шиддатли учрашув бўлди. Биз ғалаба қозониш учун келган  ва мағлуб бўлишни ўйламаган ҳам эдик. Чиройли ўйин кўрсатишга майдон ҳолати ҳам таъсир ўтказди. Ҳакамлар ишини муҳокама қила олмайман. Бугун Руслан Санаевни ўйинидан қониқдим, холос. “Шердор” ёшлари ҳам ажойиб ўйин кўрсатиб, кубок ўйиндан кўра анчагина ўзгарганлиги кўрсатди. Кубок саралашида ҳам шу жамоа билан ўйнаган эдик ва шу жамоа хулосасида Самарқандга келган эдик. Бу хато чиқди. Кейинги ўйинларда ғалаба қозониб мақсадимиз Олий лига учун ҳаракат қиламиз.

Сайфулла Шарипов («Шердор» клуби бош мураббий):
— Мавсум бошида ҳали ўйинларга тўлиқ киришиб кетмаган янги жамоани шакллантириш қийин кечмоқда. Жамоамиз тўлиқ маҳаллий ёшлардан иборат ва мен бу болаларнинг имкониятини яхши билган ҳолда майдонга қўйдим. Улардан бугунги ўйин учун хурсандман. Ҳали бу ўйин билан яхши кўрсаткичга эришиб бўлмаслигини болалар тушуниши керак. Бугун ҳам жуда хавотирли ўйин бўлди. «Зарафшон» Олий лига учун ҳаракат қилаётган жамоа ва ҳар қандай жамоага катта қийинчилик туғдира олади. Кейинги ўйинимиз ҳам яна битта жуда мураккаб ўйинга тўғри келмоқда. «Машъал» билан ўйинда бугунги йўлга қўйилган баъзи хатоларимиз қимматга тушуши мумкин.