Испания терма жамоаси ва Лондоннинг “Челси” клубининг чап қанот ҳимоячиси Марк Кукурелья фаолиятини Франция чемпионатида давом эттириши мумкин. Бу ҳақда Todofichajes нашри хабар бермоқда.
Манбанинг хабарига кўра, ҳимоячининг хизматларига "ПСЖ" бош мураббийи Луис Энрике қизиқмоқда. Мутахассисни ҳимоячининг 2024 йилги Европа чемпионатидаги ўйини ўзига тортди. Марк Испания терма жамоасининг Германиядаги турнирдаги асосий ўйинчиси ҳисобланади. Кукурельянинг трансфер нархи 25 миллион еврога баҳоланмоқда. Футболчи ва "Челси" ўртасидаги амалдаги шартнома 2028 йилнинг ўрталарига қадар тузилган. Ўтган мавсумда Марк Премьер-лигада 21 та ўйин ўтказиб, 2 та голли узатмани амалга оширди.
