Мадриднинг “Реал” клуби ҳимоячиси Даниэль Карвахаль Франция терма жамоаси ҳужумчиси Килиан Мбаппенинг жамоага келгани ҳақидаги фикрлари билан ўртоқлашди.
"Бу "Реал Мадрид" учун ажойиб трансфер. Умид қиламанки, у бизга кўплаб совринларни ютишимизга ёрдам беради', - дея Карвахалдан иқтибос келтиради COPE.
"Реал" июл ойи бошида Мбаппе трансферини эълон қилиб, форвард билан 5 йиллик шартнома имзолаган эди. Ўтган мавсумда 25 ёшли Мбаппе барча турнирларда 48 та ўйинда майдонга тушиб, 44 та гол урди ва 10 та голли узатмани амалга оширди.
