Саудия Арабистони 2025-йилда илк бор электрон спорт бўйича Олимпия ўйинларига мезбонлик қилади.
Қарор Халқаро олимпия қўмитаси (ХОҚ) ва Саудия Арабистони Миллий олимпия қўмитаси (МОҚ) ўртасидаги 12 йилга мўлжалланган ҳамкорлик доирасида қабул қилинди.
"Биз Саудия МОҚ билан киберспорт ўйинларида ҳамкорлик қилаётганимиздан жуда бахтиёрмиз, чунки улар барча манфаатдор томонлар киберспорт соҳасида катта тажрибага эга. Олимпия ташкилоти бу тажрибадан катта фойда олади.
Саудия Арабистони МОҚ билан ҳамкорлик қилиш орқали биз Олимпия қадриятлари ҳурмат қилинишини, хусусан, дастурдаги ўйинларнинг номлари, гендер тенглигини тарғиб қилиш ва ёш томошабинлар билан мулоқотни таъминлаймиз”, — деди ХОҚ президенти Томас Бах.
Олимпиада ўйинларини киберспорт бўйича ўтказиш таклифи Париждаги Олимпиада ўйинлари арафасида бўлиб ўтадиган ХОҚ сессиясида кўриб чиқилади. Қайд этилишича, киберспорт бўйича Олимпия ўйинлари мунтазам равишда ўтказилади.
