ОЧЛ-2013 4-турида мухлислар ташрифи бўйича рекорд қайд этилди. 4-турда битта ўйинга ўртача томошабинлар ташрифи 18141 мухлисни ташкил қилди ва бу кўрсаткич ОЧЛ ташкил қилинганидан бери энг юқори натижадир.

"Бунёдкор" иштирокида Пекин шаҳридаги "Ишчилар" стадионида ўтган ўйин мухлис ташрифи бўйича 4-турда учинчи кўрсаткични қайд этди.

Энг кўп томошабин кирган ўйинлар қуйидагилар бўлди:
"Истиқлол" - "Ал-Ҳилол" - 0:1. 80300 томошабин
"Тракторсозий" - "Аш-Шабоб" (СА) - 0:1. 51330 томошабин
"Бейцзинг Гоан" - "Бунёдкор" - 0:1. 37811 томошабин

Бу ўйинларнинг барчасида мезбонлар бир хил — 0:1 ҳисобида рақибларига имкониятни бой беришди.

4-турга келиб, ОЧЛда ўртача мухлислар ташрифи ҳар бир ўйинга 14374 нафар ишқибозни ташкил қилмоқда. Бу ўтган йилга нисбатан 15,7 фоизга (12420), ўтган йилнинг дастлабки 4та турига нисбатан 15,4 фоизга (12452) кўпайган.

Битта турда ўртача ишқибоз ташрифи бўйича энг юқори кўрсаткич 2012 йили гуруҳ босқичининг 2-турида қайд этилганди — 17301.