"ПСЖ" ярим ҳимоячиси Хави Симонс Франция чемпионатидан Англия Премьер-лигасига ўтиши мумкин. Бу ҳақда The Mirror нашри хабар бермоқда.
Манбанинг хабарига кўра, нидерландиялик футболчининг трансферига "Манчестер Юнайтед" қизиқиш билдирмоқда. “Қизил иблислар” футболчини кейинги мавсум учун ижарага олмоқчи. "Манкунианликлар" бош мураббийи Эрик тен Хагни Симонс кўрсатаётган ўйин ўзига тортади.
Ўтган мавсумда Хави Германиянинг "Лейпциг" клубида ижара асосида ўйнади. 21 ёшли ярим ҳимоячи 43 та учрашувда иштирок этиб, 10 та гол ва 13 та голли узатмага муаллифлик қилган.
