Мюнхеннинг "Бавария" клуби ҳужумкор ярим ҳимоячи Лерой Саненинг келажаги борасида бир қарорга келди.

Todofichajes порталининг хабар беришича, немис гранди раҳбарияти футболчини ёзги трансфер ойнасида сотишга қарор қилган. 28 ёшли вингернинг "Бавария" билан амалдаги шартномаси 2025 йилнинг июнь ойи охиригача амал қилади.

Transfermarkt портали Леройнинг нархини 70 миллион еврога баҳоламоқда. Қанот вингери мюнхенликлар сафида 2020 йилдан буён ўйнаб келмоқда.

Агар "Бавария" Санени сотса, унинг ўрнига испаниялик Нико Уильямсни қўлга киритишга ҳаракат қилади. Ушбу футболчининг хизматларига "Барселона" ҳам қизиқиш билдирмоқда.