Россия телевиденияси 40 йил ичида биринчи марта Олимпия ўйинларини трансляция қилмайди. Бу ҳақда Sports.ru хабар бермоқда. Нашрнинг таъкидлашича, мусобақани кўрсатмаслик қарори сиёсий хусусиятга эга.
“Ҳозирги воқеликда Олимпиадани «Биринчи» ва «Россия-1»да байроқ ва мадҳиясиз кўрсатишнинг иложи йўқ”, — дейилади нашр.
Матч ТВ ҳам мусобақани трансляция қилишни истамади. Бундан ташқари, Россиянинг етакчи стриминг хизматлари, жумладан Окко ва ВКонтакте ижтимоий тармоғи Олимпиадани кўрсатмайди.
«15-16 кишининг рейтинги бўлмаган спорт турлари бўйича телевидение ҳуқуқлари учун миллионлаб сарф-харажатлар пул ва асабларни асоссиз сарфлаш деб ҳисобланган», - деб таъкидлайди Sports.ru.
Охирги марта Россия телевидениеси Олимпия ўйинларини 1984 йилда трансляция қилмаган - ўшанда мусобақалар Лос-Анжелесда бўлиб ўтган ва СССР уларни бойкот қилган.
