Испаниянинг 38 ёшли ўнг қанот ҳимоячиси Хесус Навас Евро-2024 финалида Гарет Саутгейт бошчилигидаги Англияга қарши ўйнаши мумкин.

Саутгейт 18 йил олдин УEФА кубоги финалида Навасга қарши ўйнаган. Ўшанда футболчилар мос равишда "Севилья" ҳамда "Мидлсбро" сафида ўзаро тўқнаш келишган. Уларнинг Европа турнири финалида йўллари кесишган, ҳисоб 4:0 кўринишида андалусияликлар фойдасига ҳал бўлган.

Ўша учрашувда ҳар икки футболчи бутун 90 дақиқани майдонда ўтказишди.

Эслатиб ўтамиз, Евро-2024 финалида Испания ва Англия терма жамоалари ўртасидаги учрашув 14 июль куни бўлиб ўтади.