Испания терма жамоаси ҳимоячиси Марк Кукурелья Евро-2024да Францияга қарши ўйинда ҳар сафар тўпни қабул қилиб олганида ҳуштакбозликларга дучор бўлди.

Испаниялик футболчини германиялик футбол ишқибозлари чорак финалда жарима майдончаси ичида қўлига тўп теккан вазият бўйича ҳуштакбозлик қилишган.

Кукурельянинг сўзларига кўра, у дастлаб трибунадан ўзига қаратилган ҳуштакларни эшитиб, ҳайратда қолган.

"Аввалига ҳайрон бўлдим. Биринчи марта ҳуштакни ўйин олдидан исмим эълон қилинганида эшитганман.

Кўпчилик ҳуштак чалишни бошлади. Мен бироз ўйладим ва тез орада нима бўлаётганини англадим", - дея Кукурельянинг сўзларидан иқтибос келтиради The New York Times.