Ispaniya terma jamoasi himoyachisi Mark Kukurelya Yevro-2024da Fransiyaga qarshi o‘yinda har safar to‘pni qabul qilib olganida hushtakbozliklarga duchor bo‘ldi.
Ispaniyalik futbolchini germaniyalik futbol ishqibozlari chorak finalda jarima maydonchasi ichida qo‘liga to‘p tekkan vaziyat bo‘yicha hushtakbozlik qilishgan.
Kukurelyaning so‘zlariga ko‘ra, u dastlab tribunadan o‘ziga qaratilgan hushtaklarni eshitib, hayratda qolgan.
"Avvaliga hayron bo‘ldim. Birinchi marta hushtakni o‘yin oldidan ismim e’lon qilinganida eshitganman.
Ko‘pchilik hushtak chalishni boshladi. Men biroz o‘yladim va tez orada nima bo‘layotganini angladim", - deya Kukurelyaning so‘zlaridan iqtibos keltiradi The New York Times.
