Гави Евро-2024 финали олдидан Испания терма жамоаси қароргоҳига ташриф буюрди.
Европа чемпионати финалида Испания Англия билан куч синашади. Гави ўтган йилнинг ноябрь ойида тиззасидаги хочсимон бойламларидан олган жароҳати туфайли турнирни ўтказиб юборди.
Финал ўйини олдидан Гави Испания терма жамоаси футболчилари, бош мураббий Луис де ла Фуэнте ва Испания Қироллик футбол федерацияси президенти Педро Роча билан учрашди.
«Мен жуда фахрланаман ва бу ерда эканимдан жуда хурсандман. Улар бунга лойиқ ва ғалаба қозониш учун финалга чиқишди.
Мени яхши кўришларини ҳис қиламан ва бу ерда бўлганимдан жуда хурсандман. Мен ҳар бир ўйинни томоша қилдим ва жамоамни қўллаб-қувватладим, чунки ўзимни унинг ва бу мамлакатнинг бир қисми деб ҳис қиламан» - деди «Барселона» ва Испания терма жамоаси ярим ҳимоячиси.
