"Вулверхэмптон" "Комо" билан ўртоқлик ўйини борасида УЕФАга ирқчилик юзасидан шикоят қилади.
"Вулверхэмптон"нинг жанубий кореянинг ҳужумчиси Хван Хи Чан душанба куни бўлиб ўтган ўртоқлик ўйини чоғида ирқчилик руҳидаги ҳақоратларга дуч келди, дея хабар бермоқда The Telegraph нашри. У иккинчи бўлимнинг ўртасида содир бўлган воқеа ҳақида хабар бериб, "Вулверхэмптон" футболчиларини ғазаблантирди. Ярим ҳимоячи Даниэль Поденс "Комо" футболчиларидан бирига зарба берди, бунинг учун у майдондан четлатилди.
"Бўрилар" бош мураббийи Гари О’Нилнинг сўзларига кўра, Хван Хи Чан алмаштириш ёки ўйинни тўхтатишни сўрамаган.
"Ирқчилик ёки камситиш ҳар қандай шаклда мутлақо қабул қилиниши мумкин эмас ва ҳеч қачон жазосиз қолмаслиги керак. Воқеа юзасидан УЕФАга расман шикоят қиламиз", - дейилади Премьер-лига клуби баёнотида.
