"Атлетико" ҳужумчиси Альваро Мората "Милан"га ўтишини тасдиқлади.
Аввалроқ турли манбалар хабар қилганидек, “россонерилар” испанияликнинг "матрасчилар" билан шартномасида кўрсатилган 13 миллион евролик товон пулини фаоллаштирган. Эндиликда 31 ёшли форварднинг ўзи Италия клуби билан келишув ҳақидаги маълумотни тасдиқлади.
"Ҳа, тиббий кўрикдан сўнг "Милан"га ўтаман."
Мен аллақачон жамоадошларим, мураббий Симеоне ва “Атлетико” раҳбарияти билан хайрлашдим. Жамоага 100% борингизни бера олмасангиз, кетганингиз маъқул. Мен "Атлетико Мадрид" ўйинчиси сифатида Еврони ютган бўлиб қоламан", - дея Мората сўзларини келтиради инсайдер Фабрицио Романо.
