"Барселона"нинг уй стадиони "Камп Ноу"да шанба кунлари ишлаш тақиқланди, деб хабар беради Relevo нашри.
Бир ой олдин клуб шанба кунги иш бўйича келишиб олишга муваффақ бўлди, бироқ жадвалдан ошиб кетгани ҳақида шикоятлар кела бошлади, шу сабабли унга ўзгартириш киритишга тўғри келди.
"Қоидалар яна бузилди. Масалан, 3 июлга ўтар кечаси улар 22:30га қадар ишладилар, бундан ташқари, Травессера-де-лес-Кортс стадионидаги чироқлар бир неча кундан бери ўчмаяпти", — деди Сан-Рамон маҳалла уюшмаси президенти Андрес Килес.
Шу сабабли, шанба кунлари, ҳеч бўлмаганда, сентябргача яна бир бор ишлашни тақиқлаш тўғрисида қарор қабул қилинди. "Камп Ноу"да иш вақти душанбадан жумагача ва фақат соат 08.00 дан 20.00 гача.
Қайд этилишича, "Барселона" 2024 йилнинг декабрида реконструксиядан сўнг илк бор "Камп Ноу"да ўйнай олади. Дастлабки ўйинлар сиғими 60 мингга яқин томошабинни ташкил қилиши кутилмоқда.
