Пайшанба куни ҳужумчи Серу Гирассининг «Штутгарт»дан Дортмунднинг «Боруссия»сига ўтиши эълон қилинди.

Келишув ёпилгач, 28 ёшли гвинеялик ўз фикрларини билдирди.

«Боруссия» сизга қизиқишни бошлаши, бу ўзгача нарса. Дунёдаги футболга қизиққан ҳар бир бола бу клубни билади, қора ва сариқ футболкаларни билади, «сариқ девор»ни билади. Трансфердан жуда хурсандман, янги жамоадошларим билан тезроқ кўришмоқчиман.

Мен учун айтиш муҳим: мен бу ерга унвонлар учун келганман. Бу менинг талабим, бу менинг мотивациям. Ўтган мавсумда «Боруссия» нимага қодирлигини кўрсатди ва Чемпионлар лигаси финалига чиқди», - дея Гирассининг сўзларидан иқтибос келтирилади клуб расмий сайтида.