Payshanba kuni hujumchi Seru Girassining «Shtutgart»dan Dortmundning «Borussiya»siga o‘tishi e’lon qilindi.

Kelishuv yopilgach, 28 yoshli gvineyalik o‘z fikrlarini bildirdi.

«Borussiya» sizga qiziqishni boshlashi, bu o‘zgacha narsa. Dunyodagi futbolga qiziqqan har bir bola bu klubni biladi, qora va sariq futbolkalarni biladi, «sariq devor»ni biladi. Transferdan juda xursandman, yangi jamoadoshlarim bilan tezroq ko‘rishmoqchiman.

Men uchun aytish muhim: men bu yerga unvonlar uchun kelganman. Bu mening talabim, bu mening motivasiyam. O‘tgan mavsumda «Borussiya» nimaga qodirligini ko‘rsatdi va Chempionlar ligasi finaliga chiqdi», - deya Girassining so‘zlaridan iqtibos keltiriladi klub rasmiy saytida.