Лени Йорони аллақачон «Манчестер Юнайтед» футболчиси деб ҳисоблаш мумкин. 18 ёшли футболчи пайшанба куни янги клубида тиббий кўрикнинг иккинчи қисмидан ўтди, деб хабар берди таниқли журналист Фабрис Хокинс ижтимоий тармоқларда.
«Манчестер Юнайтед» Йоро трансфери учун «Лилль»га 62 миллион евро тўлайди. Яна 8 миллиони клублар ўртасидаги келишувга бонус сифатида киритилган. Лени Франция Лига 1 тарихидаги энг қиммат ҳимоячига айланди.
Лени Йоронинг «Олд Траффорд»даги шартномаси 2029 йилнинг ўрталарига қадар беш мавсумга мўлжалланган. Ёш ҳимоячи «қизил иблислар» сафида 15-рақамда ҳаракат қилади.
