"Манчестер Юнайтед" бош мураббийи Эрик тен Хаг жамоаси ҳақида гапирди.
"Биз бу ерда иш бошлаганимизда, "Манчестер Юнайтед" олти йил давомида соврин ютмаганди. Бу ерда яхши мураббийлар йўқлиги учун эмас. Бу ўйинчилар гуруҳининг таркиби ва сифати ҳақида нимадир айтади. Албатта, мен буни бошлаганимда билардим, лекин кўп ўйинчиларнинг узоқ муддатли шартномалари бор эди. Биз ҳали ҳам жараёндамиз. Жамоамизни АПЛдаги бошқа топ-клублар билан солиштирадиган бўлсангиз, таркиб борасида бироз пастроқмиз. Шунинг учун кўп жароҳатларни енгиш биз учун жуда қийин", - деди Тен Хаг.
