Супер ярим ўрта вазн тоифаси WBO йўналишида собиқ жаҳон чемпиони Тим Цзюнинг кейинги жанги тафсилотлари маълум бўлди.
У IBF камари учун Элиминатор, яъни саралаш жангида рингга кўтарилади. Цзюга америкалик Эриксон Любин рақиблик қилади. Ушбу жанг 22 сентябрь куни Австралиянинг Сидней шаҳрида ташкил этилади.
Эслатиб ўтамиз, Тим март ойи охирида америкалик Себастьян Фундорага қарши рингга чиқиб, очколар ҳисобига кўра мағлуб бўлган ҳамда WBO камаридан айрилган эди. Ушбу вазн тоифасида WBA йўналишидаги жаҳон чемпиони ўзбекистонлик Исроил Мадрмиов ҳисобланади.
