«Милан» устози Массимилиано Аллегри «Наполи» билан ўтган ўйин ҳақида фикр билдирди.

«Мен шогирдларимдан бундан ортиқ ҳеч нарсани талаб қила олмасдим. Чунки биз бир киши кам бўлиб қолганимизга қарамай, жуда яхши ўйнадик. Биз ортиқ ҳеч нима қила олмадик. Футбол шунақа. Энди биз ўз натижаларимизни яхшилаган ҳолда «Наполи»нинг натижаларини ҳам кузатамиз. Нима бўлган тақдирда ҳам учинчи ўрин яхши натижа. Бунинг устига биз мавсумни қандай бошлаган эдик? Бир эсланг.

«Наполи» иккинчи ўринни сақлаб қолса керак. Биз эса «Фиорентина» билан фарқни сақлаб қолишимиз керак. Биз албатта, ўз ўйинимизни кучайтира оламиз, кеча бизга тезлик етишмади.

Эл-Шааравининг асосий таркибда туширилмаганига келадиган бўлсам, ҳеч ким бутун мавсум давомида юқори даражада ўйнай олмайди. Охирги бир нечта тур давомида Стефан руҳий зўриқишга дуч келди. У энди 20 ёшда ва аллақачон етарлича гол уриб улгурди. Шунинг учун унинг имкониятларидан ўринли фойдаланиш керак.

Робиньо жуда яхши ўйин ўтказди. У мавсумнинг қийин палласида биз учун фойдали бўлиши мумкин»,- дейди мураббий.