"Ювентус" ҳимоячиси Маттиа де Шильо жамоа билан йиғинга бормади.
Тиаго Мотта бошчилигидаги жамоа Германиянинг Ньюрнберг шаҳрига йўл олди, бироқ баъзи футболчилар Туринда қолишга мажбур бўлди - улар орасида Де Шильо ҳам бор эди. 31 ёшли футболчи бунга унинг жисмоний тайёргарлиги сабаб бўлганини рад этди.
“Сўнгги пайтларда ўзим ҳақимда кўп нотўғри маълумотларни эшитдим. Мен яхши эканлигимни айтмоқчиман - ОАВдаги баёнотларга қарамай, жисмоний муаммолар йўқ.
Мени оддийгина клуб қарори билан йиғинга таклиф қилишмади. Журналистлардан янгиликларни чоп этишдан олдин маълумотларнинг тўғрилигини текширишларини сўрайман”, — деди футболчи.
