"Yuventus" himoyachisi Mattia de Shilyo jamoa bilan yig‘inga bormadi.
Tiago Motta boshchiligidagi jamoa Germaniyaning Nyurnberg shahriga yo‘l oldi, biroq ba’zi futbolchilar Turinda qolishga majbur bo‘ldi - ular orasida De Shilyo ham bor edi. 31 yoshli futbolchi bunga uning jismoniy tayyorgarligi sabab bo‘lganini rad etdi.
“So‘nggi paytlarda o‘zim haqimda ko‘p noto‘g‘ri ma’lumotlarni eshitdim. Men yaxshi ekanligimni aytmoqchiman - OAVdagi bayonotlarga qaramay, jismoniy muammolar yo‘q.
Meni oddiygina klub qarori bilan yig‘inga taklif qilishmadi. Jurnalistlardan yangiliklarni chop etishdan oldin ma’lumotlarning to‘g‘riligini tekshirishlarini so‘rayman”, — dedi futbolchi.