“Челси” ҳамон ярим ҳимоячи Андрей Сантоснинг муваффақиятига ишонади.
Бразилиялик футболчи ўтган йилнинг бошида "Васко да Гама"дан 12,5 миллион еврога сотиб олинганди. Ярим ҳимоячи 2023/24 йилги мавсумнинг биринчи ярмини "Ноттингем Форест"да ижарада ўтказди, кейин эса Франциянинг "Страсбург"ига ижарага берилди.
Андрей Сантоснинг Европадаги дебют мавсуми унчалик муваффақиятли бўлмаганига қарамай, "Челси" унинг истиқболларига ишонишда давом этмоқда, дея хабар беради инсайдер Фабрицио Романо. Лондон клуби ичида 20 ёшли футболчи потенциал юлдуз саналади. Кўринишидан, ярим ҳимоячи яна ижарада ўзини синаб кўради.
