"Манчестер Юнайтед" вингери Антонининг агенти Жуниор Педросо футболчининг бошқа жамоага кетиши мумкинлиги ҳақида фикр билдирди.
Олдинроқ, янги клуби футболчига ҳафтасига 70 минг фунт маош тўлаш шарти билан "Манчестер Юнайтед" бразилияликни ижарага беришга тайёрлиги ҳақида хабар берилганди.
"Мен у кетиши мумкинлиги ҳақидаги хабарларни кўрмоқдаман. Аммо унинг режалари "Манчестер Юнайтед"да ўйнашда давом этиш, клуб буни билади", - деди Педросо.
Антони ўтган мавсумда АПЛда 29 марта майдонга тушиб, битта гол урган. Умуман олганда, бразилиялик футболчи “қизил иблислар” сафида 82 та ўйин ўтказиб, рақиблар дарвозасига 11 бор аниқ зарба берган.
