"Ливерпуль" ёзги трансферлар вақтида ўз таркибини кучайтириш устида ишламоқда.
Goal порталининг хабар беришича, ҳужумкор ярим ҳимоячи Такефуса Кубо "мерсисайдликлар"нинг нишонида турибди.
Манбага кўра, "Ливерпуль" Кубо трансфери учун "Реал Сосьедад"га 65 миллион евро таклиф қилишга тайёр. Бу 23 ёшли футболчининг шартномасида кўрсатилган харид суммасидан 5 миллионга кўп.
Қайд этилишича, Кубо тарихдаги энг қиммат япониялик футболчи, шунингдек, тарихдаги энг кўп маош олувчи япониялик футболчига айланиши мумкин. Кубонинг "Энфилд"даги йиллик маоши 15 миллион еврони ташкил қилиши мумкин.
