"Реал"нинг собиқ ярим ҳимоячиси, ҳозирда "Манчестер Юнайтед"да ўйнаётган Каземиро Саудия Арабистони чемпионатига йўл оладиган навбатдаги юлдузга айланиши мумкин.

Todofichajes нашри хабарига кўра, "Ан-Наср" бразилиялик футболчига қизиқиш билдирмоқда. Саудия клубининг 39 ёшли португалиялик ҳужумчиси Криштиану Роналду бу келишувни осонлаштиришга тайёр.

Футболчилар аввалроқ "Қироллик клуби" шарафини биргаликда ҳимоя қилишган. Каземиронинг "манкунианликлар" билан шартномаси 2026 йилнинг ўрталарига қадар тузилган. Transfermarkt портали унинг қийматини 20 миллион еврога баҳоламоқда.