УEФА сайти хабарига кўра, Бельгия, Нидерландия, Англия ва Франция терма жамоалари футбол бўйича Европа чемпионати вақтида ижтимоий тармоқларда бошқаларга қараганда кўпроқ ҳақорат нишонига айланган.
Бунда Facebook, Instagram ижтимоий тармоқларидаги махсус мониторинг дастури орқали кузатув олиб борилди.
Гуруҳ босқичида 20 тилдаги 9142 та пост кўриб чиқиш учун белгиланди. Ижтимоий тармоқлардаги ҳақоратомуз хабарларнинг 91 фоизига нисбатан чора кўрилган.
Ҳақоратларнинг аксарияти (72,5 фоизи) футболчиларга, яна 15,5 фоизи эса мураббийларга қаратилган. Аниқланган хабарларнинг 5 фоизи ирқчилик, яна 2,5 фоизи гомофобик кўринишда эди.
Англия ва Испания ўртасидаги Евро финалида 427 та ҳужумкор руҳдаги пост аниқланди, салбий хабарларнинг аксарияти инглизларга тўғри келади.
